Gjykata e Tiranës ka regjistruar statutin e Sali Berishës të 11 dhjetorit dhe të shtatë pikat e vendimeve të marra në atë Kuvend.
Vendimi është marrë nga gjyqtari Agron Zhukri, për të cilin linja zyrtare e PD-së kërkoi gjatë procesit përjashtimin nga gjykimi.
Mes vendimeve të Kuvendit të 11 dhjetorit është ai që shkarkoi Lulzim Bashën dhe gjithë kryesinë dhe bashkëpunëtorët e ngushtë të ish-kreut të PD-së, si dhe pika që anulon thirrjen për mbajtjen e Kuvendit më 18 dhjetor, sipas kërkesës së Bashës.
Sipas Ivi Kasos, përfaqësues i Rithemelimit, vendimi i gjykatës u rikthen demokratëve partinë e marrë peng.
“Vendimi është i qartë dhe zbatohet nga të gjithë”, tha ai, duke shtuar se sipas këtij vendimi të gjykatës, PD edhe zyrtarisht do të drejtohet tashmë nga Komisioni i Rithemelimit.
Por kur do të hyjë në seli Rithemelimi? “Sapo të publikohet vendimi i Gjykatës për regjistrimin e statutit”, shtoi Kaso.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
