.png)
Gazeta Si – Karim Benzema gati për finalen e së dielës Francë-Argjentinë? Pas dëmtimit që e detyroi të humbiste Botërorin e Katarit, sulmuesi prej pak ditësh ka nisur të stërvitet me Realin e Madridit.
Gazetarët francezë kanë hedhur hipotezën e përfshirjes së tij në finalen e Botërorit dhe për këtë çështje kanë pyetur edhe trajnerin Didier Deshamp. Por tekniku i kampionëve në fuqi ka qenë i prerë në qëndrimin e tij: “Nuk ju përgjigjem fare për këtë, mund të më bëni pyetjen tjetër”.
Një qëndrim që nuk lë asnjë shans për të parë në fushë të dielën fituesin e “Topit të Artë”. Benzema gjithsesi do të jetë në tribunë për finalen e Kupës së Botës. Emri i tij nuk është hequr asnjëherë nga lista e Francës dhe sulmuesi do të marrë medaljen, qoftë ajo e artë, apo e argjendtë.
Francës i kthehen në finalen me Argjentinën mbrojtësi Upamekano dhe mesfushori Rabiot, të cilët munguan ndaj Marokut për shkak dëmtimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
