.png)
Gazeta Si – Belgjika është në kërkim të një trajneri. Federata belge ka publikuar në faqen e saj një njoftim pune, me anë të të cilit synon të gjejë pasuesin e Roberto Martinez, trajneri spanjoll që u largua pas eliminimit të shpejtë në fazën e grupeve të Katar 2022.
Profili që kërkohet është ai i një trajneri “shumë ambicioz” dhe me “eksperiencë ndërkombëtare në nivelet e larta botërore, me njohuri dhe ide taktike”. “Kërkojmë një fitues me eksperiencë për drejtimin e lojtarëve më të mirë në botë”, – shkruhet në komunikatën e federatës belge, që kërkon nga kandidatët të dërgojnë cv-të e tyre brenda 10 janarit 2023.
Mënyra e kërkimit të trajnerit është sa origjinale, aq edhe e çuditshme. Në 2016-ën ishte po Belgjika që kërkonte pasuesin e Mark Vilmots me këtë metodë. Më parë kanë përdorur një strategji të tillë edhe Bregu i Fildishtë dhe Kameruni.
Jënë të shumtë në fakt emrat që lakohen për të marrë drejtimin e ‘Djajve të kuq’, pas largimit të Martinez. Mes tyre spikasin Mishel Prud’hom, Hein Vanhaezebruk, Filip Klement, Tierri Henri, Luis van Gal, Tomas Vermaelen dhe Vinsent Kompani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
