Gazeta Si – Ballkani ka regjistruar fitoren e radhës në Europë. Skuadra e Ilir Dajës mundi 3-2 Klaksvik të Ishujve Faroe në Ligën e Konferencës. Kualifikimi mbetet i hapur, me kampionët e Kosovës të favorizuar.
Ballkani i komplikoi vetë llogaritë, pasi udhëhiqte 3-0, pas golave të Gripshit, Korenicës dhe Rrahmanit. Kur kualifikimi dukej në ‘xhep’, skuadra kosovare pësoi dy gola, që rihapin gjithçka sa i takon kualifikimit.
Po në Ligën e Konferencës, Shkëndija e Tetovës barazoi 1-1 në fushën e Aik Stokholm. Për tetovarët shënoi kapiteni Ferhan Hasani pa u mbushur një minutë lojë, ndërsa Guideti barazoi për suedezët. Në kthim Shkëndija është favorite, sepse luan në fushën e saj.
Skuadra tjetër shqiptare, Shkupi, u mund 3-1 në fushën e Shamrok Rovers në Irlandë. Kampionët e Maqedonisë së Veriut, që tani marrin pjesë në Ligën e Europës, pas kësaj humbjeje duhet të fitojnë 2-0 për ta çuar kualifikimin në shtesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
