.png)
Numri i shqiptarëve që kërkuan azil për herë të parë në hapësirën e Bashkimit Europian u rrit me mbi 40 për qind në vitin 2021 në krahasim me 2020.
Sipas të dhënave të publikuara nga Eurostat, 8 mijë e 800 shqiptarë kërkuan azil për herë të parë në një nga vendet anëtare të Bashkimit Europian përgjatë vitit të kaluar, nga rreth 5 mijë kërkesa që u regjistruan në vitin 2020.
Vendi i preferuar i kërkesave për azil nga shtetasit shqiptarë mbetet Gjermania, ndjekur nga Franca ndërsa shtim të kërkesave janë vënë re edhe në vendet skandinave.
Shifrat e rendisin Shqipërinë ndër vendet e para në botë për kërkesat për azil në Bashkimin Europian në raport me popullsinë totale të vendit, ndërkohë që në krye të tabelës sa i takon sasisë së kërkesave mbetet Siria, Afganistani, Iraku, Pakistani dhe Turqia.
Përgjatë 2021, Eurostat raporton një rritje të lehtë të kërkesave për azil nga ana e ukrainasve, ku vendet kryesore të aplikimeve të tyre janë Polonia dhe Çekia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
