.png)
Pas avokatëve të Elbasanit, edhe avokatët e Korçës kanë zhvilluar një protestë dhe kanë nisur bojkotin 3-ditor të të gjitha proceseve gjyqësore në Shkallë të Parë dhe Apel si reagim pas vrasjes në Elbasan të avokatit Ravik Gurra. Protesta është organizuar nga Dhoma Rajonale e Avokatisë Korçë.
Qëllimi i protestës është sensibilizimi dhe njoftimi i ndërprerjes së punës për ditët në vijim.
Pas vrasjes së avokatit, në një reagim për mediat, Dhoma e Avokatisë bëri të ditur se 50-vjeçari ishte anëtar i Dhomës Kombëtare të Avokatisë dhe theksohet se kërcënimet ndaj avokatëve po përshkallëzohen dita-ditës. Nga e mërkura në të premte do të ketë një bojkot të të gjitha shërbimeve ne vend.
Ravik Gurra u vra tri ditë më parë në mes të Elbasanit. Avokati u qëllua me një pistoletë me silenciator nga një person i maskuar, i cili më pas është larguar me një automjet tip “Benz”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
