Një aeroplan i vogël privat turistik u rrëzua mbi një ndërtesë në rrugën “Marignano”, në San Donato Milanese, Itali dhe 8 personat që udhëtonin në bord, dy pilotët dhe 6 pasagjerët, kanë vdekur të gjithë nëvend. Mes viktimave, raportohet se ka qenë edhe një fëmijë.
Frika dhe ankthi në jug-lindje të Milanos ka qenë i madh, sepse pas incidentit një zjarr shpërtheu pranë metrosë të San Donatos. Alarmi mbërriti pak minuta pas orës 13:00 pasdite.
raga sto tremando, non avete idea, stavo aspettando il pullman a san donato (milano) per tornare a roma e si è tipo schiantato un aereo (?) davanti a noi, un botto assurdo, che paura pic.twitter.com/UgHzg4JeNY
— edoardo 🧚🏻♀️💅🏼💞✨🏳️🌈 (@edoardotwitta) October 3, 2021
Forcat zjarrfikëse dhe policia mbërritën menjëherë në vendngjarje. Ndërtesa në të cilën u rrëzua avioni, u përfshi nga flakët dhe tymi është i dukshëm nga disa kilometra larg.
Struktura e goditur ishte në ndërtim e sipër dhe nuk duhet të ketë pasur njerëz brenda. Avioni, i cili u ngrit nga aeroporti i Milanos, Linate, ishte drejtuar për në Sardenjë.
Fiamme alte e una colonna di fumo nella zona della metropolitana a San Donato, nella zona sud-est di Milano. Secondo i testimoni, sarebbe caduto un piccolo aereo. #SanDonato pic.twitter.com/nB0vGgVMvO
— Rassegnally (@rassegnally) October 3, 2021
“Avioni kishte një motor që digjej dhe ai u rrëzua, nuk u panë manovra, por ai vetëm u rrëzua”. Këto janë fjalët e disa dëshmitarëve që panë “Piper”-in të rrëzohej në ndërtesën në San Donato Milanese.
“Pashë një aeroplan që po binte, me helikat që ndalonin, pastaj ndjeva se dritaret u dridhën dhe, si në filma, shkova te dritarja dhe pashë një kolonë tymi që ngrihej”, tha një djalë që jeton disa dhjetëra metra larg nga ndërtesa kundër së cilës u rrëzua avioni turistik.
Aeroplani u rrëzua pak ditë 5 ditë para 20-vjetorit të tragjedisë së Linates, ku në 8 tetor 2001, një avion pasagjerësh rrëzohet në pistën e aeroportit të Milanos, ku humbën jetën 118 pasagjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
