Gazeta Si – Danil Medvedev është gjysmëfinalisti i tretë i Australian Open, pas Novak Gjokoviç dhe Janik Siner. Rusit iu deshën 5 sete për të eliminuar polakun Hubert Hurkacz dhe në gjysmëfinale do të ndeshet me Zverev, i cili eleminoi Karlos Alkaraz.
Përfundoi 7-6, 2-6, 6-3, 5-7 dhe 6-4 në favor të numrit 3 në botë çerekfinalja e tretë. Medvedev nuk gaboi, edhe pse vuajti jo pak. Pas 3 orësh e 59 minuta lojë ai mposhti Hurkacz, i cili rezistoi deri në fund dhe vuri në dyshim kualifikimin e kundërshtarit.
Medvedev në setin e 3-të u tregua cinik, duke shfrytëzuar të vetmin top ‘break’ në dispozicion: 6-3 (pas 3 ‘set point’ të anuluar) dhe sërish rusi në avantazh. Në setin e 4-t shkoi 4-2 dhe ndeshja u duk e mbyllur, por polaku përmbysi në 7-5 dhe e detyroi numrin 3 të shkonte në setin e 5-të, ku rusi nuk gaboi.
Te femrat është kualifikuar për në gjysmëfinale edhe Dajana Jastremska, në aktin e fundit si numri 93 në klasifikim WTA. Ajo mundi 6-3, 6-4 Linda Noskovën. Ndeshja mes dy surprizave të Australian Open shkoi për ukrainasen, që për 1 orë e 18 minuta lojë mposhti polaken.
From qualifying to the semifinals 👊@D_Yastremska races past Noskova in straight sets and she secures her place in the last 4!#AusOpen pic.twitter.com/PQjas94xTj
— wta (@WTA) January 24, 2024
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
