Gazeta Si – Siner shkruan historinë: është italiani i parë që shkon në finale të Australian Open. Në Melburn 22-vjeçari mundi numrin 1 në botë, Novak Gjokoviç, me rezultatin 6-1, 6-2, 6-7 dhe 6-3. Për herë të parë në karrierë ai shkon në aktin përmbyllës të një turneu Slam.
Siner, me fitoren 3-1 në gjysmëfinale, ka ndërprerë serinë e sukseseve të serbit në këtë turne. Gjokoviç nuk humbiste prej 33 ndeshjesh, nga 2018-a. Për më tepër, ai nuk ishte mundur kurrë në gjysmëfinale ose finale.
Mjaftojnë këto të dhëna për të kuptuar më qartë arritjen e Siner, që nuk fakt triumfoi bindshëm ndaj numri 1 të botës. Ishte një nisje perfekte e ndeshjes nga italiani, që përfitoi nga çdo hapësirë e lënë nga kundërshtari. Në setin e parë kishte 3 topa ‘break’ për ta mbyllur 6-0, por shfrytëzoi vetëm 2 dhe e mbylli 6-1. I njëjtë edhe seti i dytë, me Siner që dukej sikur kishte aktivizuar pilotin automatik.
Gjokoviç fitoi setin e 3-të, por vetëm kaq. Siner nuk u demoralizua dhe nuk e ktheu kokën pas, duke fituar setin e 4-t dhe njëkohësisht kalimin në finalen e Australian Open. Kundërshtari i tij do të jetë njëri mes Medvedev ose Zverev.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
