.png)
Gazeta Si - Gjykata e Apelit të Posaçëm ka lënë të pa ndryshuar masën e “arrestit në burg” për Julian Meçajn, i akuzuar për atentatin ndaj Ish-prokurorit Arjan Ndoj dhe mikut te tij, Pëllumb Muharremi.
Më herët, Gjykata e Posaçme ka caktuar ndaj tij masën “arrest në burg” për “pjesëmarrje në grup të strukturuar kriminal”, “kryerja e veprave penale nga grupi organizata kriminale”.
Ai gjithashtu akuzohet nga SPAK se me kërkesë të Plaurent Dervishajt, në bashkëpunim edhe me persona të tjerë në disa raste, kanë tentuar të kryenin atentate të tjera ndaj Arjan Ndojës, Pëllumb Muharremit, por edhe personave të tjerë.
Ngjarja ndodhi më 1 nëntor të vitit 2019, ku makina me të cilën udhëtonte ish prokurori, u qëllua me breshëri automatiku.
Ndoj ishte në automjet me Landi Muharremin, i njohur si i “Rrumi i Shijakut” dhe me Andi Malokun, shofer i tij, i cili mbeti i vdekur.
Meçaj u deportua në gusht të këtij viti nga Dubai bashkë me Plaurent Dervishajn në një operacion sekret mes policive të të dyja vendeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
