.png)
Gazeta Si – Ish-zëvendëskomandanti i flotës detare Artur Meçollari ka qenë këtë të mërkurë në SPAK për herë të dytë brenda 4 ditësh.
Por nëse herën e parë ai dha shpjegime për tjetërsimin e pronave detare në Sarandë, sot ka dhënë detaje për ndërtimet që janë bërë brenda zonës ushtrake të Shëngjinit.
Meçollari, mësohet se ka deponuar mbi ish-shefin e shtabit të përgjithshëm të Forcave të Armatosura, Bajram Begaj aktualisht President i Republikës.
“Sot jam thirrur për shkak të padisë së dytë që kam bërë. Bazën detare të Shëngjinit. Për këtë është i paditur Begaj dhe disa zyrtarë të tjerë. Këta kanë dhënë leje për ndërtimin e një pallati 4-katësh dhe privatizimin e zonës në pronat ushtarake”, – tha ai.
Ish zëvendës shefi i forcave detare, ka akuzuar në mars të 2021 të gjithë zyrtarët e lartë, përfshirë edhe ish ministren e Mbrojtjes asokohe, Olta Xhaçka, presidentin Begaj dhe ish-shefin e Shtabit të Përgjithshëm të FA-ve, Bardhyl Kollçaku (aktualisht deputet i PS).
Pak ditë më parë u thirr në SPAK edhe vetë Xhaçka, ministrja për Evropën dhe Punët e Jashtme në e pozicionit që ka pasur.
Denoncimi nga ana e Meçollarit u bë për dy prona, një në Shëngjin dhe një në Sarandë, të cilat sipas tij janë dhënë pa leje i janë dhënë privatit.
Pasi SPAK ka verifikuar këto të dhëna, ka sekuestruar fillimisht bazën detare të Limionit në Sarandë për të nisur hetimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
