.png)
Më 4 Prill 2021, Richard Hutchins, 62 vjeç, shikoi teksa një kamion blu hyri në parkingun e supermarketeve të Ralph në Los Anxhelos. Richard kishte qenë i pastrehë për gjashtë vjet. Ai nuk e dinte atëherë, por ai kamion blu do ta ndryshonte jetën e tij.
Në moshën gjashtë vjeç, ai punoi në fushat pas shkollës në Georgia. Hutchins përdori çantat ngjyrë kafe të ofruara, së bashku me degëzat nga zjarri për të krijuar qymyr druri. Pasioni i tij për artin u rrit nga atje dhe ai bëri shitjen e tij të parë të madhe prej 1.500 dollarë në moshën 15-vjeçare.
Për Richard, arti është pjesë e asaj çka ai përfaqëson. “Kur pikturoj vendos jetën time në të”, tha ai për Guardian.
Sidoqoftë, karriera e tij u ndërpre kur Richard u dërgua në burgun e qarkut në Los Anxhelos. Ai më vonë u shpall i pafajshëm për krimin për të cilin ishte akuzuar dhe u lirua. Të qenit në një qeli për 22 orë në ditë nuk e ndaloi atë të vazhdonte punën e tij. Richard u shkruante letra miqve të tij dhe vizatonte në pjesën e jashtme të zarfeve me laps.
I ulur në krevatin e sipërm të marinarit të cilin e përdorte si tryezë në qelinë e tij, Richard zbuloi ngjyrën në disa Skittles dhe M&M që kishte ikur për shkak të ujit të harxhuar. Ai mori flokët nga mjekra dhe bëri një furçë boje për t’u zhytur sërish në ngjyra. Pas kësaj, Richard përdori gjithçka që mund të merrte në dorë për të pikturuar, përfshirë kafen, pastën e dhëmbëve dhe letrën e tualetit.
Në fillim ishte provë dhe gabim. Ai dërgoi rreth 15-20 zarfe kudo çdo javë, miqve ose çdo adrese që mund t’i vinte ndërmend. Në fund të secilit zarf, ai shënoi ditët e kohës së burgut. Punët e tij madje u ekspozuan në një galeri në Pasadena, California, pasi dërgoi disa prej zarfeve atje.
Pas ekspozitës ai ia dhuroi zarfet bibliotekës UC Santa Barbara, ku edhe sot ato mund të shihen të varura në mure. Në total, Richard pikturoi rreth 200 zarfe ndërsa ishte në burg. Tani, printimet e këtyre pikturave në zarf janë shitur në faqen e tij të internetit për rreth 700 dollarë, me origjinalet për rreth 2,500 dollarë secila. Richard thotë se një mik i tij po u bën edhe libër atyre.
Pasi Richard u largua nga burgu, ai punoi për një kohë në një studio në Kaliforni. Por, kur një zjarr shkatërroi ndërtesën, Richard humbi rreth 800 pjesë të punës së tij. Menjëherë pas kësaj, Richard mbeti i pastrehë. Deri në vitin 2021, Richard po jetonte në një strehë si pjesë e një skeme në Los Anxhelos që strehonte të pastrehët gjatë pandemisë. Ai kishte qenë i pastrehë për gjashtë vjet.
Në atë fugon blu në prill ishte Charlie “Rocket” Jabaley, menaxheri i mëparshëm i 2Chainz. Pas bisedës, Charlie i dha Richard numrin e tij dhe tha që të telefononte të nesërmen. Richard shtoi: “Ju dëgjoni kaq shumë dhe asgjë nuk ndodh”.
“Por, ky nuk ishte rasti me këta dy djem”.
Charlie iu përgjigj thirrjes së tij dhe të nesërmen ai mori Richard për t’i blerë pajisje arti, kanavacë, ngjyra dhe furça me vlerë 2,000 dollarë. Gjithçka që i duhej Richardit ishte t’i futej punës.
Ky takim i rastësishëm në Ralph më vonë çoi në shfaqjen e veprës së Richard në muret e galerisë Sofitel në Beverley Hills. Atë natë, ishin 500 njerëz që e fotografonin dhe bërtisnin emrin e Richard.
Për fat të mirë, një mik i mirë i Richard -it, Keith Polk, e kishte mbajtur punën e Richard ndër vite, përfshirë zarfet. Në 10 minutat e para të lançimit në faqen e tij të internetit, Richard fitoi 12,554 dollarë.
Që atëherë, Richard ka shitur piktura me vlerë 250,000 dollarë me blerës të famshëm të pikturave të tij përfshijnë Oprah, 2Chainz dhe Steve Harvey.
Sidoqoftë, Charlie tha se pavarësisht nga kjo ngjarje e mahnitshme, ai nuk dëshiron që njerëzit të mendojnë për këto para si “të mbledhura”: “Unë dua që Richard të respektohet si artist”.
Tani, Richard në një telefonatë me Charlie i thotë se çfarë shpreson të bëjë më pas.
Ai beson se është detyra e tij të ndryshojë jetën e të tjerëve gjithashtu. Ai madje bëhet emocional; “Ka kaq shumë njerëz që lëndohen dhe vdesin në rrugë që nuk duhet të jenë atje. Sidomos gratë dhe fëmijët”.
Pabarazia e Los Anxhelos është një çështje e njohur, dhe megjithatë situata po përkeqësohet. Tani për tani, janë 63,706 njerëz që janë të pastrehë në qark. Skid Roë, një zonë në Los Anxhelos, ka tërhequr shumë vëmendjen e mediave ndër vite. Richard nuk mund ta kuptojë pse gjendja e këtyre njerëzve ende po injorohet nga qeveria, por ai është i vendosur të mos heqë dorë: “Herët a vonë dikush do të reagojë. Unë nuk do të ndalem së provuari”.
Richard është duke lëvizur në vendin e tij të ri dhe shpreson të jetë fqinji i Charlie një ditë. Charlie shpreson të njëjtën gjë gjithashtu.
Charlie ka një histori për të ndarë. Ai e filloi karrierën e tij duke menaxhuar reperin 2Chainz, por u diagnostikua me një tumor në tru. Ai vendosi të ndiqte ëndrrën e tij për t’u bërë atlet.
Ai shton: “Të gjitha ëndrrat e mia ishin realizuar kështu që vendosa të bëj ëndrrat e të tjerëve realitet”.
Charlie dëshiron të jetë pjesë e një brezi që ndryshon botën. Tani, Richard beson se misioni i tij është të ndihmojë të tjerët. “Kam aq shumë për të bërë dhe do ta përdor artin tim”, tha ai.
Richard dëshiron të krijojë ndryshime të vërteta për të pastrehët e Los Anxhelos. Ai po përpiqet të tërheqë vëmendjen e Shtëpisë së Bardhë dhe aktualisht është në bisedime me këshilltarët financiarë me synimin për të krijuar Fondacionin “Jess Hutchins”, të cilin ai po e quan me emrin e nënës së tij.
“Do ta bëj. Do të dëgjoni shumë shpejt”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
