U ul me sukses sipari i operës “AIDA”, në Varna të Bullgarisë. Opera me regji të Franco Zeffirellit, u përcoll magjishëm te një publik i gjërë artdashësish. “Aida” u dirigjua nga maestro Jaccopo Sipari di Pescasseroli dhe asistent-regjisorja Ada Gurra.
Mahnitës ishte dhe interpretimi i mezzo-sopranos së Teatrit Kombëtar të Operas e Baletit, Ivana Hoxha, e cila me vokalin e saj debutoi në Varna, një Amneris të denjë, për një vepër kaq madhështore.
Ky ishte një sukses i dytë i artistëve shqiptarë, pas atij të Tiranës, ku opera u vlerësua me superlativa. Opera “Aida” tejmbushi sallën e TKOB-së me spektatorë vendas e të huaj. Fill pas këtij suksesi regjisorja Ada Gurra u nis drejt Varnës ku përgatiti artistët bullgarë për vënien në skenë të operës së Verdit.
Më herët TKOB u shpreh se, “Ky bashkëpunim që tejkalon kufijtë e rajonit, fuqizon lidhjet artistike mes 2 vendeve dhe ju mundëson artistëve të tejçojnë talentin e tyre në një dimension më të gjerë artistik”. (ATA)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
