Colette Maze thotë se ajo filloi të luante në piano kur ishte katër vjeç për të gjetur në muzikë ngrohtësinë që mungonte në edukimin e saj të rreptë.
Sot, në moshën 106 vjeçare, arti i saj ende nxjerr butësi dhe, e ulur në piano në apartamentin e saj në Paris, gishtat e shkathët duket se mezi presin tastierën e pianos ndërsa luan tingujt e Schumann, Debussy dhe Chopin.
“Është ushqimi im për shpirtin dhe për zemrën”, tha Maze, një grua e vogël, e gjallë.
Lindur në 1914 në një familje të klasës së mesme, ajo u shkollua nga nëna e saj e rreptë ndërsa babai i saj menaxhonte një fabrikë plehrash.
Ajo më pas vazhdoi të studionte në Paris Ecole Normale de Musique në Paris, një konservator, para se të fillonte një karrierë të gjatë si mësuese në shkollat e muzikës në kryeqytet.
Maze sapo ka regjistruar albumin e saj të gjashtë, një regjistrim me tre vëllime i veprave nga Debussy, i planifikuar të dalë në prill.
Vitin e kaluar, ajo regjistroi pjesë nga Debussy dhe një tjetër kompozitor i madh francez, Erik Satie.
Djali i saj i vetëm Fabrice Maze, thotë se nëna e tij është një frymëzim për të tjerët, veçanërisht gjatë kohërave të pandemisë Covid-19.
“Ajo frymëzon shumë njerëz dhe sensi i saj i humorit, gëzimi dhe dashuria e saj për jetën bën që të jetë një shembull i mirë për të gjithë.\Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
