.png)
Gazeta Si – Një punonjës policie, me detyrë trup shërbimi në Bllokun e Sigurisë në Tiranë, është arrestuar nga kolegët e tij, pasi do të fuste lëndë narkotike në ambientet e paraburgimit.
Punonjësi Mustafa Lleshi është vënë në pranga nga agjentët e AMP-së, pasi këta të fundit kishin informacione se polici kishte lënë takim për të blerë kokainë, të cilën më pas do ta fuste brenda Bllokut të Sigurisë për ta shitur.
Në momentin e arrestimit, atij iu gjetën dhe sekuestruan 0.4 gram kokainë dhe një shumë parash prej 70 euro.
Polici Mustafa Lleshi akuzohet për shpërdorim detyre, prodhim dhe shitje droge si dhe për moskallëzim krimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
