Gazeta Si – Një 23-vjeçar shqiptar është arrestuar sot në Greqi, pasi dyshohet se është përfshirë në vrasjen e Pëllumb Islamit. I riu nga Shqipëria është shoqëruar në rajonin e policisë në Kipseli.
Identiteti i tij nuk është bërë i ditur, por mësohet se ai është një nga 7 personat, për të cilët ishte lëshuar urdhër-arresti në kuadër të ngjarjes së 21 shkurtit, kur në një lokal të Athinës u ekzekutua Islami.
Nga hetimet është zbuluar se atë natë pati shkëmbim zjarri nga pjesëtarë të një grupi kriminal shqiptar që vepron në Greqi, pas debatit me një person që ndodhej në tavolinë me Islamin.
Në kërkim është edhe kreu i grupit kriminal, 34-vjeçari Elis Salaj nga Fieri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
