Gazeta Si – Agjencia e Mbikqyrjes Policore ka ndaluar 2 punonjës policie, një në Dibër dhe një në Berat.
Në një njoftim, thuhet se Avni Uka, me detyrë Patrullë e Përgjithshme pranë Komisariatit të Policisë Dibër, dyshohet për shpërdorim detyre.
Ndërkohë, punonjësi tjetër i policisë Sulltan Uka (vëllai i Avniut), patrullë pranë Komisariatit të Policisë Mat, është proceduar në gjendje të lirë për veprat penale “Prishje e qetësisë publike” dhe “Vetëgjyqësi”.
Hetimet kanë zbuluar se dy efektivët, të cilët janë vëllezër, janë përfshirë në një konflikt të dhunshëm me një shtetas në qytetin e Burrelit.
Përplasja, e nisur për motive të dobëta, ka degjeneruar në veprime të rrezikshme për shëndetin e të përfshirëve.
Ndërkohë, në Berat është arrestuar në flagrancë specialisti i Policisë së Shtetit V. D., i cili u përfshi në një aksident automobilistik dhe rezultoi pozitiv me 0.60 mg/l alkool në gjak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
