.png)
Udhëtarët në Aeroportin Ndërkombëtar të Dubait u përballën me vonesa pasi një ari u arratis nga kafazi i tij që ndodhej brenda avionit. Avioni ishte gati për t’u nisur për në Bagdad, po nisja u vonua për të paktën një orë për shkak të incidentit.
Pasagjerëve iu kërkua të zbrisnin ndërsa ekspertët u përpoqën të qetësonin ariun dhe ta largonin nga avioni. Kryeministri i Irakut ka urdhëruar një hetim se si ariu arriti të shpëtonte nga kafazi i tij.
The bear got out of the cage and caused a delay in the Dubai-Baghdad flight. pic.twitter.com/Z0kzUjgtnh
— Kcee Longest (@KceeLongest) August 6, 2023
Iraqi Airways tha se nuk ishte përgjegjës për arratisjen e ariut, duke vënë në dukje se ekuipazhi bashkëpunoi me autoritetet në Emiratet e Bashkuara Arabe, të cilët dërguan ekspertë për të zbutur kafshën.
Iraqi Airways pohoi se të gjitha procedurat për transportimin e ariut ishin bërë në përputhje me ligjin dhe rregullat e miratuara nga Shoqata Ndërkombëtare e Transportit Ajror (IATA).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje