Gazeta Si – Një ditë pa shkarkimit të Elisabet Imerajt nga Vettingu, Këshilli i Lartë i Prokurorisë ka caktuar Arenc Çelën si drejtues të Prokurorisë së Tiranës.
Në këtë pozicion, Çela do të jetë drejtues i komanduar në Prokurorinë e Tiranës.
Ai ka qenë më parë prokuror në ish-Gjykatën e Krimeve të Rënda dhe më herët e ka kaluar procesin e Vettingut.
Mbledhja në KLP do të mbahet këtë të enjte në orën 12:00, por duhet të jetë thjeshtë procedurë, pasi Çela është kandidati i vetëm.
Ndërkohë, pas shkarkimit të saj, Elisabeta Imeraj e cilësoi antiligjor dhe të padrejtë vendimin ndaj saj, për të cilin tha se ishte i ndikuar.
Në një dalje për mediat, ajo tha se do të vijojë betejën ligjore në Gjykatën e Strasburgut.
Sipas Kolegjit, Imeraj kishte probleme në të tre kriteret e vlerësimit.
Ajo e cilësoi të padrejtë dhe në kundërshtim me ligjin vendimin e KPA-së, duke aluduar se të tjerë persona kërkonin shkarkimin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
