“Aplikacioni për leje-daljen e vetëm një personi nga familja për pazar është plotësisht funksional. Nga nesër nuk ka më këshillime për shkelësit…”, - shkruan kryeministri Edi Rama në faqen e tij në Facebook. Rama e ilustron njoftimin e shkurtër me një video ku policia pyet qytetarë të ndryshëm, nëse janë pajisur ose jo me lejen e kërkuar.
Vetëm një ditë më parë, Rama pranoi se kishte pasur probleme me aplikimin në E-albania për të marrë leje për pazar porse gjithcka do të zgjidhej brenda dy ditësh.
“Ndjesë të gjithë atyre që kanë pasur probleme me aplikimin në e-albania por ka qenë një problem i lidhur me koordinimin e sistemit me kompanitë celulare. Prandaj keni pasur vështirësi, por sot dhe nesër policia do të jetë e ndërgjegjësuar që të mos adresojë në mënyrë të menjëhershme sanksionet dhe gjobat", tha Rama një ditë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.