.png)
Komiteti i Memorandumit të Parisit, mekanzimi për inspektimin e anijeve në Europë, ka rënditur Shqipërinë në vendin e fundit me “flamur të zi” si vendi, anijet e të cilit konsiderohen me rrezik të lartë. Memorandumi i Parisit bëri rënditjen e 70 vendeve të ndryshme sipas standardeve të shërbimit dhe sigurisë në sektorin e transportit detar.
Kategorizimi i anijeve nga vendet e ndryshme ndahet në tre ngjyra: bardhë, gri dhe të zezë.
Listat e “Bardhë, Gri dhe e Zezë (WGB)” paraqesin spektrin e plotë, nga flamuj të cilësisë të lartë deri te flamuj me një performancë të dobët që konsiderohen me rrezik të lartë ose shumë të lartë.
Monitorimi është bërë për periudhën 2018-2020 dhe gjatë kësaj periudhë anijet shqiptare kanë rezultuar me flamur të zi që nënkupton siguri dhe shërbime të dobëta.
Memorandumi i Parisit është një program inspektimi për anijet e regjistruara në porte, përveç atyre që i përkasin vendit ku është porti, me qëllim ndalimin dhe marrjen e masave kundër anijeve që nuk janë në përputhje me rregullat dhe sigurinë. Inspektorëve u kërkohet të hetojnë pajtueshmërinë me kërkesat e konventave ndërkombëtare. Aty përfshihet kontrolli i anijes dhe personelit nëse respektohen ligjet ndërkombëtare në fuqi, aftësitë e drejtuesve dhe pajisjet e anijes.
Për viti 2020, në listën e bardhë janë renditur 39 vende, në listën gri 22 dhe në listën e zezë 9.
Shqipëria rikthehet në listën e zezë të anijeve pas 11 vitesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje