Misioni i Forcave të Armatosura shqiptare në Detin Egje, i përfshirë në operacionin ndërkombëtar në kuadër të NATO-s në 24 orë ka ndërmarrë dy operacione të njëpasnjëshme duke shpëtuar jetën e 84 refugjatëve.
Anija “Lissus” rreth orës 21:35 të mbrëmjes së të shtunës ka marrë në bordin e saj 39 persona, nga të cilët 31 ishin palestinezë dhe 8 të tjerë sirianë, që po udhëtonin me një gomone.
Operacioni i dytë është ndërmarrë paraditen e sotme, ku nga bordi i një gomoneje u shpëtuan 45 persona, mes të cilëve gra dhe fëmijë.
Kjo nuk është hera e parë që anijet e Flotës Shqiptare përfshihen në operacione të ngjashme parandalimi dhe shpëtimi refugjatësh në ujërat greke. Shqipëria është angazhuar në këtë mision në kuadër të NATO-s dhe përmes një vendimi të miratuar disa ditë më parë, Qeveria e zgjati misionin e tyre deri më 31 dhjetor të 2019.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
