.png)
Gazeta Si – Anglia fitoi 3-0 derbin me Uellsin dhe është kualifikuar për në 1/8-at e Botërorit 2022 si skuadra kryesuese e Grupi B. Të dielën do të përballet me Senegalin në turin tjetër.
Ndeshja u dominua nga skuadra e Southgejt, që gjeti golat në pjesën e dytë. Brenda 2 minutash Anglia shënoi dy herë, fillimisht me Rashford me goditje dënimi dhe pastaj me Foden, pas asistit të Kejn.
Në minutën e 68-të sulmuesi i Mançester Junajtid shënoi edhe golin e dytë personal dhe të tretin për anglezët. Uellsi e mbylli grupin në vend të fundit dhe duhet të kthehet në shtëpi.
Një ndeshje shumë më dramatike ishte ajo me Iranit dhe SHBA-ve, ku një gol i Kristjan Pulisiç në pjesën e parë kualifikoi amerikanët. Me fitoren 1-0 SHBA-të parakaluan Iranin dhe siguruan vendin e dytë në grup, me 5 pikë.
Amerikanët bënë diferencën me lojtarët e tyre më të mirë. Goli i vetëm i ndeshjes nisi nga këmbët e MekKenit, ndërsa Dest dha asistin për Pulisiç, që depozitoi topin në rrjetë dhe u dëmtua në atë moment. Irani tentoi të gjente golin e barazimit, që do ta kualifikonte, por ishte shumë konfuz në sulmet e tij.
Në fund pati pretendime për 11-metërsh nga aziatikët, por spanjolli Lahoz nuk mendonte kështu. Përfundon kështu ky Botëror për Iranin, ndërsa ëndrra amerikane vazhdon me Holandën në fazën e 1/8-ve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
