Drama e zhvilluar në sallën e gjyqit “Anatomy of a Fall” “Anatomia e një rënieje” e regjisorit francez Justine Triet ka fituar çmimin për filmin më të mirë evropian të vitit, tha Akademia Evropiane e Filmit në një ceremoni dje në Berlin.
Filmi tregon historinë e një shkrimtareje të suksesshme, të luajtur nga Sandra Hüller, e cila përpiqet të provojë pafajësinë e saj pasi akuzohet për vrasjen e të shoqit.
“Anatomy of a Fall” më herët fitoi çmimin e skenarit më të mirë dhe gjithashtu një çmim për montazhin më të mirë. Triet fitoi çmimin për regjisorin më të mirë dhe Hüller-it iu dha çmimi për aktoren më të mirë 2023.
Aktori danez Mads Mikkelsen u shpall aktori më i mirë për interpretimin e tij në filmin “Bastards”.
Aktori gjerman Christian Friedel, i cili luajti komandantin e Aushvicit, Rudolf Höß në “The Zone of Interest” “Zona e interesit”, ishte ndër të nominuarit në kategori.
Akademia nderoi gjithashtu aktoren britanike Vanessa Redgrave me çmimin e karrierës.
Regjisori hungarez i filmit Béla Tarr (“Sátántangó”) mori Çmimin e Nderit të Presidentit dhe Bordit të Drejtorëve të Akademisë.
Regjisorja spanjolle Isabel Coixet (“Jeta sekrete e fjalëve”) u nderua për punën e saj në kinematografinë botërore.
Çmimet Evropiane të Filmit konsiderohen si një nga nderimet më prestigjioze në industri. Rreth 4 600 anëtarë të Akademisë Evropiane të Filmit votuan për fituesit në një sërë kategorish, si çmimet e Akademisë në SHBA.
Çmimet Evropiane të Filmit zakonisht jepen në mënyrë alternative në Berlin dhe qytete të tjera evropiane.
Vitin e kaluar, çmimi për filmin më të mirë shkoi për satirën “Triangle of Sadness”, “Trekëndëshi i trishtimit”. /ata
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
