.png)
Rreth 90 minuta pasi i mohoi rivalit Sinner 3 mundësi për titullin, Alcaraz realizoi përmbysjen e të gjitha përmbysjeve në “Roland Garros 2025” duke fituar “Grand Slam”-in e 5 në karrierë në moshën 22 vjeçare. Ishte një Finale epike prej 5 orë e 29 minuta në “French Open” ndaj numrit 1 në Botë, italianit Jannik Sinner. Spanjolli ja doli të kthehej nga disavantazhi i dy seteve për të fituar në 5 të tillë sipas këtyre shifrave 4-6 6-7 (4-7) 6-4 7-6 (7-4) 7-6 (10-2). Kjo e këtij edicioni ishte Finalja më e gjatë në historinë e “Roland Garros” dhe Jannik Sinner nuk ja doli të fitonte turneun e 3 madhor rradhazi ndërsa humbi Finalen e dytë rradhazi ndaj Alcaraz, pas asaj në Master-in e Romës (6-7, 1-6).
“Jam vërtetë shumë i lumtur që kam mundësi të shkruaj historinë me ty në këtë turned he të tjerë gjithashtu. Je një motivim i madh për të gjithë dhe mua personalisht. Fat të mbarë dhe gjithë të mirat në atë çka vjen më pas.” iu drejtua Alcaraz, rivalit Sinner në momentin e marrjes së trofeut. Ndërsa italiani pasi pranoi se sot do ta kishte të vështirë të flinte, vazhdoi – “në këtë moment është më e lehtë të luash se sat ë flasësh”. Për britanikun Greg Rusedski, kjo ishte Finalja më e madhe në historinë e turneve “Grand Slam”. Trofeun për Carlos Alcaraz e dorëzoi Andre Agassi që fitoi “Roland Garros” në vitin 1999 dhe në karrierë, 8 turne “Grand Slam”.
Libri i Artë në “Roland Garros” (meshkuj)
14-Rafael Nadal (ESP) 14
8-Max Decugis (FRA) 8
6-Björn Borg (SWE) 6
5-Henri Cochet (FRA) 5
4-André Vacherot (FRA), Paul Aymé (FRA)
3-Maurice Germot (FRA), René Lacoste (FRA), Mats Wilander (SWE), Ivan Lendl (TCH), Gustavo Kuerten (BRA), Novak Djokovic (SRB)
2-André Gobert (FRA), Jean Borotra (FRA), Gottfried von Cramm (GER), Frank Parker (USA), Jaroslav Drobný (EGY), Ken Rosewall (AUS), Tony Trabert (USA), Nicola Pietrangeli (ITA), Manuel Santana (ESP), Rod Laver (AUS), Roy Emerson (AUS), Jan Kodeš (TCH), Jim Courier (USA), Sergi Bruguera (ESP), Carlos Alcaraz (ESP)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
