.png)
Alarm për bombë pranë stadiumit “Olimpico” të Romës, pak orë para nisjes së ndeshjes së Euro 2020 mes Italisë dhe Zvicrës, e vlefshme për xhiron e dytë të Grupit A.
Autobomba, sipas informacioneve të para, është pikasur në zonën e “Piazza Mancini”, pak kilometra larg stadiumit, dhe është çaktivizuar. Në atë zonë ndodheshin shumë tifozë, të cilët po i drejtoheshin stadiumit. Shumë rrugë janë bllokuar për të lejuar zjarrfikësit dhe forcat e policisë për të vepruar në qetësi.
Për momentin është bërë me dije se ngjarja ka të bëjë me një pistë private. Sinjalizimi është bërë nga një kalimtar i rastit, i cili ka vënë re objektin e dyshimtë brenda një Smarti të parkuar. Ndërhyrja e forcave të rendit ka qenë e menjëhershme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
