.png)
Gjykata e Tiranës ka pushuar çështjen për Gjergj Cukalin, i cili u arrestua si i dyshuar për vrasjen e ish-policit Arben Bilali.
Fillimisht ishte Prokuroria që pushoi çështjen, por tanimë edhe Gjykata e ka pushuar çështjen.
Avokatët Alban Bengasi dhe Elton Hyseni kanë bindur Gjykatën të rrëzonte provën e ADN-së, duke provuar se ishte marrë nga Policia Gjyqësore në kundërshtim me ligjin.
Gjergj Cukali është një personazh i njohur në Tiranë, i etiketuar si “i forti” i rrugës ”Myslym Shyri” në kryeqytet.
Në 2004-n për një konflikt 100 mijë eurosh, Cukali ka marrë peng Fatjon Demirlikën teksa mori një dënim prej 10 vitesh burg.
Ai u arrestua sërish në 2012 për armëmbajtje pa leje, kurse në 2016 u zbulua se Cukali ishte furnitor i një grupi të shpërndarjes së drogës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
