.png)
Nga Gazeta ‘Si’- Pas thirrjes nga Komisioni parlamentar i Medias, Këshilli Drejtues i RTSH-së, riktheu në pikën fillestare garën për drejtorin e Përgjithshëm të RTSH.
Në një mbledhje urgjente të zhvilluar sot nën drejtimin e nënkryetarit Gëzim Podgorica, me 9 vota pro u vendos të zhbëhet vendimi që skualifikoi nga gara 8 kandidatë dhe la në përballje vetëm 2 prej tyre, drejtuesen e komanduar Aurora Polon dhe Jetmir Shpuzën.
Vendimi erdhi pasi kryetarja e komisionit të Medias, deputetja demokrate Ina Zhupa dhe nënkryetarja socialiste Evis Kushi, kërkuan ndërprerjen e procesit dhe rikthimin në garë të të gjithë kandidatëve, ndryshe paralajmëruan deri në shkarkim të anëtarëve të Këshillit drejtues të RTSH-së.
Kështu, për postin e drejtorit të Përgjithshëm do të jenë në garë bashkë me 2 nëpunësit e RTSH-së, Eni Vasili, Kliton Rama, Ermal Hoxha, Enrik Mehmeti, Laureta Roshi, Harilla Koçi dhe Flamur Buçpapaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
