Policia ka arrestuar dy drejtuesit e mjeteve që shtypën për vdekje një 25-vjeçar në ngjarjen e rëndë të ndodhur mbrëmjen e së shtunës në Urën e Dajlanit në Durrës.
Shoqërimi i shoferit të furgonit dhe shoferit të autobusit është bërë pas këqyrjes së pamjeve filmike të siguruara nga kamerat e bizneseve pranë zonës ku ndodhi aksidenti tragjik.
Policia po i heton që të dy drejtuesit e automjeteve me akuzën e shkaktimit të aksidentit me pasojë vdekjen. Në dëshmitë paraprake, të dy shoferët kanë deklaruar se nuk e kanë parë viktimën.
25-vjeçari ka qenë duke udhëtuar me motor në momentin e përplasjes me autobusin dhe më pas me furgonin që e ka marrë për disa metra zvarrë.
Aksidenti ka ndodhur në një zonë me shumë qarkullim, por ku ndriçimi i rrugës thuajse mungon totalisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
