Policia ka dhënë detaje të reja në lidhje me aksidentin tragjik të Qafë-Muzinës, ku humbën jetën 5 persona. Makina Land Rover, që sipas policisë është shkaktare e këtij aksidenti, drejtohej nga një vajzë 22-vjeçare, Rexhina Çelhaka, banuese në Tiranë.
Bashkë me të në makinën që ishte marrë me qira ndodheshin edhe dy shtetase italiane. Çelhaka ka marrë plagë të lehta nga përplasja e makinës së saj me furgonin që përfundoi në humnerë dhe që i shkaktoi vdekjen shoferit 51-vjeçar Bardhi Proda.
Nga ky aksidenti kanë humbur jetën edhe një çift të moshuarish, Fiqiri dhe Drita Korçari, ndërsa 2 personat e tjerë të pajetë janë dy shtetas ukrainas, një burrë 53-vjeçar me inicialet O.F dhe një grua 48-vjeçare me inicialet T.F.
Me fat ka qenë një vajzë 25-vjeçare, Greta Kaberdini, e cila është nxjerrë me vështirësi nga furgoni është ndodhet në Spitalin e Gjirokastrës, jashtë rrezikut për jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
