Dy gra, nusja dhe vjehrra, kanë humbur jetën ditën e mërkurë në mënyrë tragjike në një aksident rrugor në Shkodër.
Ngjarja ka marrë përmasa edhe më të rënda, pasi mësohet se e reja ishte shtatzënë. Ngjarja tragjike ka ndodhur në aksin rrugor Shkodër- Hani i Hotit, në afërsi të fshatit Shtoj.
Esmeralda Bajrakurti nuk mundi t’i mbijetojë plagëve të marra. Ajo ka ndërruar jetë pasdite në spital. Më herët, vjehrra e saj, Hasmije Bajrakurti ndërroi jetë në vendin e ngjarjes.
Dy gratë, të cilat po ecnin në këmbë buzë rrugës, u përplasën nga një makinë në rrethana që mbeten ende të paqarta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
