Dy makina janë përplasur pasditen e sotme në aksin Ura Vajgurore- Fier. Si pasojë kanë mbetur të plagosur tre persona, të cilët janë transportuar menjëherë në Spitalin Rajonal Berat, ku kanë marrë trajtimin e nevojshëm mjekësor.
Aksidenti ka ndodhur në orën 15:15, në fshatin Kutalli. Një automjet tip “Benz”, që drejtohej nga A.M, 61 vjeç , banues në fshatin Allambres, Ura Vajgurore, është përplasur me mjetin tip “Citroen”, me drejtues F.Ç, 44 vjeç, banues në Fier.
Nga përplasja, mësohet se të dy drejtuesit e mjeteve dhe pasagjerja me inicialet H.M, 61 vjeçe, janë plagosur. Grupi hetimor po punon për zbardhjen e shkaqeve të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
