Një aksident rrugor ka ndodhur këtë mesditë në Memaliaj. Ngjarja ka ndodhur në rrugën nacionale Memaliaj-Krahës, në vendin e quajtur “Mogila”, një automjet tip Benz ka dalë nga rruga dhe është përmbysur.
Mësohet se viktima kanë mbetur dy mësues, Ornela Hoxha dhe Leonard Sako, të cilët kanë qenë duke u kthyer nga puna.
Ata ushtronin profesionin e mësuesit në fshatin Krahës.
Të dy kanë qenë duke udhëtuar me makinë, kur mjeti ka dalë nga rruga dhe ka përfunduar në kanal në krah të rrugës nacionale Memaliaj-Tiranë, duke i zënë brenda.
Për pasojë, të dy mësuesit kanë humbur tragjikisht jetën. Humbja e jetës së dy mësuesve ka prekur dhe miqtë e tyre, të cilët kanë bërë postime në rrjetet sociale.
Në vendngjarje shkoi grupi hetimor dhe po punon për zbardhjen e shkaqeve të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
