.png)
Akomodimi i turistëve në Shqipëri gjatë periudhës janar-mars 2021 ra me 7% krahasuar me të njëjtën periudhë të vitit 2019, kur çdo gjë ishte në normalitet. Sipas Eurostat, Shqipëria është vendi i vetëm në Europë me dëm minimalist në këtë fushë.
Shtetet si Çekia, Luksemburgu, Austria, Sllovakia etj, kanë patur një rënie deri në -90% në vitin 2021, krahasuar me atë të 2019-s.
Sipas ndarjes së origjinës, akomodimi i turistëve të huaj në Shqipëri pati rënie më të vogël se i atyre vendas, respektivisht rënie me 34% dhe 47%.
Muaji mars 2021 përcaktohet nga Eurostat si muaji kur nisi rimëkëmbja e këtij sektori dhe krahasuar me vitin 2020, akomodimi i turistëve u rrit me 224%.
Viti 2020 e dëmtoi këtë sektor më së shumti në muajin prill, kur pothuajse të gjitha vendet në botë kishin ndaluar të gjitha aktivitetet ndërvepruese dhe rënia globale e akomodimit të turistëve vlerësohet në 95%. Akomodimi në kampingje ishte më pak i prekuri gjatë pandemisë.
Gjatë kësaj kohe, humbja për Shqipërinë në akomodimin e turistëve raportohet 50%. Vitin e kaluar Shqipëria kishte masën më të madhe turistë vendas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
