.png)
Nga Gazeta ‘SI’ – Autoriteti i Komunikimeve Elektronike dhe Postare, në një analizë për tregun e telekomunikacionit gjen se ngushtimi i këtij tregu i ka lënë shqiptarët pa opsione.
AKEP thekson se krijimi i një tregu në kushte oligopoli, ka ulur alternativat për konsumatorët që përballen me më pak larmishmëri shërbimesh celulare. Konkretisht One Albania që u bashkua me Albtelecom ka reduktuar numrin e paketave dhe më pas të njëjtën gjë e ka bërë edhe Vodafone Albania.
Një tjetër gjetje e AKEP është se kompanitë vendase ofrojnë çmime më të shtrenjta për njësi komunikimi se sa tarifat brenda planeve, madje ndonjëherë edhe më të shtrenjta se tarifat e Roaming në rrjetet e operatorëve të tjerë.
Kompanitë e telekomunikacionit në vend kanë arritur të ardhura rekord gjatë vitit 2024, thotë i njëjti raport.
Sipas AKEP, ky treg arkëtoi 39.3 mld lekë me rritje 4% nga një vit më parë. pjesa më e madhe ishin burim i tregut celular, 28 mld lekë dhe rreth 11 mld lekë nga tregu fiks, që u reduktuan me 4%. Rënia, sipas AKEP është diktuar nga rënia e të ardhurave të sipërmarrësit One Albania nga rrjetet fikse me rreth 1 miliardë lekë.
Në tregun celular, sipërmarrësi me të ardhurat më të larta të gjeneruara mbetet Vodafone Albania, me rreth 58% të totalit të këtij tregu.
Dërsa raporti nuk tregon se sa nga këto para janë investuar nga kompanitë e rrjetit celular, për atë fiks thotë se ka investuar 2.86 mld lekë.
Matjet e AKEP tregojnë se në Shqipëri janë aktive 3.4 karta SIM, ose 1.4 karta për banorë, më e larta se mesatarja europiane dhe globale. Gjtihësesi thirrjet dhe SMS-të me anë të numrit kanë pësuar rënie. Shifrat tregojnë se ka një rënie të abonentëve aktivë në të tërësi.
Përdorimi i internetit është rritur me 15% në raport vjetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
