.png)
Gjykata Kushtetuese e Francës ka bllokuar ligjin që ndalonte aksesin në rrjetet sociale për fëmijët nën 15 vjeç, duke e konsideruar atë në kundërshtim me garancitë kushtetuese, përfshirë lirinë e shprehjes.
Në vendimin e saj, Gjykata argumenton se zbatimi i ndalimit do t’i detyronte edhe të rriturit të provonin moshën për të aksesuar platformat online.
Sipas saj, ligji nuk përcaktonte qartë kushtet dhe kufijtë e këtij verifikimi, duke mos ofruar garanci të mjaftueshme ligjore për mbrojtjen e të drejtave themelore.
Ligji ishte miratuar nga Parlamenti francez dhe synonte të ndalonte përdorimin e rrjeteve sociale nga të miturit nën 15 vjeç. Franca do të bëhej vendi i parë europian me një kufizim të tillë, pas Australisë, e cila në dhjetor të vitit 2025 vendosi ndalimin e aksesit në disa platforma për të miturit nën 16 vjeç.
Pallati Elysee ka bërë të ditur se presidenti Emmanuel Macron mbetet i vendosur që reforma të hyjë në fuqi përpara pranverës së vitit 2027, ndaj ka urdhëruar kryeministrin të rishohë projektligjin dhe të përfshijë shqetësimet e gjyqtarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje