.png)
Gazeta Si – Johan Zuko, 20-vjeç u ekzekutua pasditen e kësaj të shtune me armë zjarri në Korçë, ku autori i dyshuar u identifikua nga policia dhe është shpallur në kërkim.
Viktima, i cili shëbente si ushtarak në Forcat e Armatosura dhe autori i dyshuar, janë përfshirë në një konflikt pak para ngjarjes, ku Zuko dyshohet se ka pasur me vete edhe një thikë.
Arma e ftohtë i është gjetur në dorë viktimës pas ngjarjes dhe është sekuestruar nga grupi hetimor si provë materiale.
Të dhënat e para bëjnë me dije se viktima dhe autori i dyshuar ishin shokë dhe janë rritur së bashku. Dyshohet se ai e ka ndjekur 20-vjeçarin deri në lagjen ku ndodhi ngjarja.
Viktima, i cili nuk ishte banor i zonës, mësohet se ka tentuar të fshihet brenda një pallati, por autori dyshohet se e ka ndjekur dhe e ka qëlluar për vdekje brenda godinës.
Sipas burimeve, autori i dyshuar ka precedentë penalë për armëmbajtje pa leje dhe plagosje. Në disa zona janë ngritur edhe postoblloqe policie, ndërsa kontrollet vijojnë për gjetjen e të dyshuarit. Forcat e Policisë kanë kryer veprimet hetimore për dokumentimin e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje