.png)
Gazeta Si – Gjykata e Apelit ka shpallur vendimin për Mario Përlleshajn, i cili u shpall fajtor për vrasjen e bashkëmoshatarit të tij, Martin Cani.
Gjykata vendosi të lërë në fuqi dënimin e Shkallës së Parë me 16 vite burg për autorin e krimit. Ngjarja e rëndë që tronditi opinionin publik ndodhi në 18 nëntor 2024 në afërsi të shkollës “Fan Noli” në kryeqytet.
Autori u dënua më datë 9 dhjetor 2025 me 16 vite burg për vrasje dhe tentativën e vrasjes së shokut të viktimës, ndërsa sot Apeli e konfirmoi vendimin e Shkallës së Parë.
14-vjeçari Martin Cani mbeti i vrarë me thikë nga Përlleshaj pas një zënke të zhvilluar pak metra larg shkollës ku ai studionte.
Përplasja mes tyre për motive banale kishte zanafillë një zënë në ambjentet e shkollës tre ditë përpara ngjarjes.
Pas ngjarjes autori e hodhi çantën me thikën në një ndërtesë të vjetër, e cila u gjet disa ditë më vonë dhe ekspertiza nxori se me të njëjtën thikë ishte goditur viktima dhe i plagosuri.
Çështja mori edhe kontekst politik pasi protesta të shumta u organizuan, me kërkesë për më shumë siguri në shkolla dhe dorëheqje të ministres së Arsimit.
Një konsultim i gjerë publik, i urdhëruar nga kryeministri Rama, me prindër në të gjithë vendin konkludoi në vendimin e qeverisë për të mbyllur rrjetin social “TikTok”, si një hapësirë bullizmi dhe dhune, ku adoleshentët nisin përplasjet mes tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje