.png)
Gazeta Si – Korea e Jugut përmbysi 2-1 Çekinë në ndeshjen e dytë të Grupit A, me evropianët që rikthehen pas 20 vitesh në Botëror me humbje.
Koreja e Jugut bëri një lojë të shkëlqyer, duke mbetur në disavantazh në pjesën e dytë me një gol nga Krejci pas një rivënie anësore, por ata mbetën të palëkundur, duke përmbysur rezultatin për 13 minuta.
Ndeshja u zhvillua në stadiumin “Akron” në Guadalajara dhe aziatikët shfrytëzuan avantazhin për të barazuar rezultatin dhe më pas për të kaluar në avantazh. Golat u shënuan nga Hwang In-Beom dhe Hyeon-Gyu Oh.
Çekia në fakt barazoi rezultatin me Soucek, por gjyqtari anësor e anuloi golin për pozicion jashtë loje, gjë që u konfirmua edhe nga VAR-i.
Më pas, në minutën e 80-të, Oh-Hyeon-Gyu i Besiktasit shënoi golin e përmbysjes dhe të fitores 2-1 për Korenë e Jugut.
Korea e Jugut fiton për të tretin Botëror radhazi në fazën e grupeve kundër tre rivalëve nga Evropa. Ata mposhtnin Gjermaninë 2-0 në vitin 2018, Portugalinë 2-1 në vitin 2022 dhe sot Çekinë.
Kështu, Botërori 2026 ka luajtur dy ndeshjet e para, pasi në ndeshjen hapëse Meksika fitoi 2-0 kundër Afrikës së Jugut. Meksika dhe Korea e Jugut me nga tre pikë mbeten në krye të klasifikimit, ndërsa Çekia dhe Afrika e Jugut kanë nga zero pikë në Grupin A, grup që ka luajtur ndeshjet e para.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje