.png)
Gazeta Si – Për të 12-ën ditë me radhë, qytetarët e Tiranës kanë nisur protestën e tyre kundër qeverisë së drejtuar nga Edi Rama, ku kërkojnë dorëheqjen e këtij të fundit.
Përveç largimit të kreut të qeverisë, protestuesit kërkojnë largimin e të gjithë klasës së vjetër politike, përfshirë ish-kryeministrin Sali Berisha.
Protestuesit u mblodhën këtë të enjte në orën 18:00, në sheshin “Skënderbej”, nga ku më pas nisën marshimin drejt kryeministrisë.
Me pankarta në duar dhe flamuj kuq e zi, ata kanë vijuar thirrjet kundër qeverisë dhe kundër projektit në Zvërnec.
Edi Rama dorëhiqu”, “Shqipëria e re”, “Shqipëria nuk është në shitje”, “Kur studentët ngrihen, shteti dridhet”, ishin disa nga pankartat e sjellë nga protestuesit.
Më 9 qershor, një grup protestuesish dorëzoi në Komisionin Qendror të Zgjedhjeve një draft me propozime për ndryshime në Kodin Zgjedhor.
Një nga momentet simbolike të protestës u shënua para kryeministrisë, ku u vendosën pesë karrige bosh me mbishkrime si “Ikur në Greqi”, “Ikur në SHBA”, “Ikur në Kanada” dhe destinacione të tjera të emigracionit shqiptar.
Pas tubimit, ata pritet që të vazhdojnë marshimin e tyre të përhershëm në rrugët e Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje