.png)
Nga Gazeta ‘Si’– Qeveria shqiptare ka miratuar aktin normativ për uljen e akcizës, si masë për të amortizuar efektet e rritjes së çmimit të naftës në tregjet ndërkombëtare, të shkaktuara nga konflikti në Iran.
Vendimi vjen në vijim të premtimit të Kryeministrit Edi Rama për ndërmarrjen e masave konkrete dhe të prekshme në mbrojtje të qytetarëve.
Ky akt normativ parashikon uljen e akcizës me 20%, në rast se çmimi i shitjes me pakicë, i përcaktuar nga Bordi i Transparencës, do të jetë: mbi 220 lekë për litër për naftën; mbi 200 lekë për litër për benzinën.
Akti do të mbetet në fuqi deri në stabilizimin e plotë të situatës ndërkombëtare.
Ministri i Financave, Petrit Malaj, theksoi se qeveria është e angazhuar të mbrojë qytetarët nga efektet financiare të krizës, duke ruajtur njëkohësisht buxhetin e shtetit dhe ekonominë e vendit në këtë moment kritik.
“Ne jemi të angazhuar plotësisht që t’i përgjigjemi me përgjegjshmëri çdo sfide, duke mbrojtur qytetarët shqiptarë nga efektet financiare të prodhuara si rezultat i këtij konflikti, por edhe të mbrojmë buxhetin e shtetit dhe ekonominë e vendit tonë, sidomos në një moment kritik si ky që po përballet bota sot”, tha ministri Malaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje