.png)
Nga Gazeta Si- Është zbardhur dinamika e aksidentit të rëndë të ndodhur në zonën e Treshit në Tiranë ku një 7-vjeçar ndërroi jetë. Ai është përplasur nga dy makina ndërsa është ndezur semafori jeshil për makinat.
Fillimisht ka qenë shoferi i njërës makinë, T. Shukulli, 55 vjeç që i ka dhënë disa monedha 7-vjeçarit, të cilat i kanë rënë në tokë. I mituri ka dalë para makinës për t’i marrë dhe aty është ndezur drita jeshile. Shoferi i ka dhënë gaz makinës, duke e përplasur fëmijën.
Ndërkohë goditjen fatale ia ka dhënë makina e dytë mbrapa, ku fëmija ka përfunduar poshtë rrotave. 55-vjeçari ka ndaluar makinën pasi ka dëgjuar njerëzit në rrugë duke bërtitur, ndërsa 42-vjeçarja, shoferja që i ka dhënë goditjen e dytë, ka vijuar rrugën dhe është larguar.
Shukulli e ka dërguar fëmijën te Spitali i Traumës, ndërsa fillimisht ka deklaruar se nuk e kishte përplasur ai. Sipas tij, ka dëgjuar të bërtiturat e njerëzve dhe kur ka dalë ka parë fëmijën të aksidentuar, dhe e ka çuar në spital, por jo që ai ka qenë i pari që e ka përplasur.
Zbardhja e ngjarjes është bërë nga kamerat në distancë dhe dëshmitë, ndërsa pak orë më vonë është gjetur një kamera me pamje të qartë që tregon dinamikën e aksidentit. 7-vjeçari, në momentin e aksidentit ka qenë duke lypur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje