.png)
Nga Gazeta Si- Ish-kryeministri Fatos Nano është në gjendje të rëndë shëndetësore dhe prej datës 8 tetor ndodhet në reanimacion.
Ish-kryeministri prej kohësh ka probleme me mushkëritë. Dy vite më parë Nano u përball me probleme shëndetësore ku dhe iu nënshtrua një ndërhyrje kirurgjikale si pasojë e një sëmundje Pulmonare Obstruktive Kronike e quajtur ndryshe si SPOK. Ai u intubua për dy javë.
Gjatë kohës që ishte në spital, Nano u nderua nga Edi Rama me medaljen e mirënjohjes publike. Kryeministri e dekoroi me Kordonin e Madh me Yll të Mirënjohjes Publike.
Fatos Nano ka shërbyer si kryeministër i Shqipërisë me Partinë Socialiste. Ai është themeluesi i PS-së, parti të cilën e udhëhoqi deri në vitin 2005, kur dhe vendosi të largohej nga politika.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
