.png)
Gazeta Si – Një e mitur në Përmet është abuzuar seksualisht nga njerku i saj me detyrë punonjës policie dhe kolegu i tij, i cili është shpallur në kërkim.
Por rasti është edhe më tronditës, pasi i dashuri i 16-vjeçares, 46 vjeç dhe një shok i tij, kanë shantazhuar policin me një video intime për të mos publikuar pamjet në rrjetet sociale.
Siç bën me dije policia përmes një njoftimi zyrtar, Prokuroria e Gjirokastrës ka lëshuar 4 urdhër-arreste lidhur me abuzimin ndaj vajzës.
Mes të arrestuarve, është një punonjës në Komisariatin e Policisë Përmet, P.B, 56 vjeç. Sipas hetimeve, rezulton se ai ka ngacmuar seksualisht për 3 vite me radhë.
Në pranga është vënë edhe shtetasi K.P., 46 vjeç (i cili dyshohet se ka pasur lidhje intime me 16-vjeçaren) dhe shoku i tij, shtetasi I.P., 27 vjeç, të dy banues në Këlcyrë.
Këta të fundit, dyshohet se kanë kanosur 55-vjeçarin, që t’iu jepte 1 milion lekë, për të mos i publikuar të miturës video me përmbajtje intime.
Në kërkim është shpallur edhe shtetasi A.A., 53 vjeç, punonjës i Komisariatit të Policisë Tepelenë, pasi dyshohet se ka ngacmuar seksualisht 16-vjeçaren. Sipas Prokurorisë, ai rezulton në Greqi.
Pas publikimit të rastit shokues, janë pezulluar nga detyra dy policët, të cilët ishin me detyrë trup shërbimi “Patrullë e Përgjithshme”, në komisariatet përkatëse.
E mitura aktualisht është në kujdesin e familjarëve të saj, si dhe në monitorim të vazhdueshëm të psikologes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
