.png)
Ushtria izraelite ka konfirmuar se ka “kryer një seri sulmesh në shënjestër” në zonën e kryeqytetit të Libanit, Bejrut gjatë natës.
Ajo tha se kishte në shënjestër “objektet e ruajtjes së armëve” dhe pjesë të tjera të infrastrukturës së Hezbollahut.
Zëdhënësi në gjuhën arabe për Forcat e Mbrojtjes të Izraelit lëshoi urdhra të reja evakuimi për disa lagje përpara atyre që ai tha se do të ishin sulme ndaj objektivave që i përkisnin grupit militant të mbështetur nga Irani.
Një korrespodente e CNN tha se sulmet e së shtunës mbrëma ishin ndër më të qëndrueshmet dhe më intensivet që ajo ka parë duke goditur periferitë jugore që nga fillimi i luftës.
Numri i viktimave nuk është ende i qartë, shkruan CNN.
Një përditësim nga Forcat e Mbrojtjes të Izraelit (IDF) i lëshuar brenda orës së fundit thotë se forcat ajrore izraelite kapën një “numër” objektivash ajrore të lëshuara nga territori libanez gjatë natës.
Postimi në X thotë se objektivat nuk kaluan në territorin izraelit, por se alarmet u dhanë për shkak të rrezikut të rënies së fragmenteve nga qielli.
Ai pasoi paralajmërimet që u lëshuan në zonën e Galilesë Perëndimore.
Në një përditësim të veçantë nga më parë, IDF tha gjithashtu se një anije raketore e marinës izraelite kapi dy drone “të nisur nga lindja” në Detin Mesdhe, ndërsa forcat ajrore kapën një pajisje ajrore pa pilot (UAV) në zonën detare pranë brigjeve të Gush Dan – nisur edhe nga lindja. Në të dy rastet nuk u raportua për viktima, shtoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
