.png)
Sa kushton e ardhmja?
Për t’ju përgjigjur kësaj pyetje duhet të pyesësh filozofë, ose ekonomistë. Por, nëse je një drejtues në sektorin e teknologjisë, përgjigja është : 1 trilion dollarë.
Kaq do të shpenzojë sektori për të ndërruar një industri me Inteligjencë Artificiale gjatë viteve të ardhshme. 1 trilion dollarë është vlerë shumë e madhe. Dhe ndërsa nuk do të gjeni askund ungjilltarë më të zjarrtë për AI sesa në grupin e kompanive si Google dhe Microsoft, të gjitha ato para duhet të rikuperohen. Alternativa do të ishte një shkrirje ekonomike që nuk e kemi përjetuar prej vitesh.
Që ndoshta sapo ka nisur.
Të hënën, bursat ranë fuqishëm, ndikuar shumë nga gjigandët e teknologjisë. Nvidia, prodhuesi i çipave për AI u dobësua me 7% dhe Amazon me 4%.
Ka shqetësime reale se edhe pse janë investuar miliarda dollarë për Inteligjencën Artificiale, këto kompani nuk po prodhojën asnjë vlerë ekonomike. Dhe nuk do ta bëjnë as në të ardhmen e afërt.
Ëndrrat e mëdha të AI
Askush nuk shpenzon triliona dollarë në diçka, nëse nuk e beson me të vërtetë atë. Silicon Valley, qyteti i teknokogjisë në SHBA, e beson me të vërtetë në fuqinë transformuese të AI-së. Në vitin 2018, kur ChatGPT ishte ende i paformuar mirë, kreu i Google, Sundar Pichai atëherë u shpreh se “AI është gjëja më e rëndësishme mbi të cilën po punon njerëzimi. Më thelbësorë se elektriciteti apo zjarri.”
Kështu, investitorët vrapin për të hedhur paratë e tyre në bizneset e teknologjisë. Vetëm në SHBA, Start Up-et e inteligjencës artificiale mblodhën 23 mld dollarë kapital në 2023-shin.
Shtoni faktin se gjigantët e teknologjisë kanë shumë para në dorë dhe po garojnë në mënyrë aktive kundër njëri-tjetrit për të kaluar të parët kur bëhet fjalë për AI. Nëse besoni se industria e inteligjencës artificiale do të vlejë triliona – dhe se pjesa e luanit të kësaj vlere do t’u shkojë liderëve të hershëm – atëherë siç tha Pichai në një thirrje të fundit, “rreziku i investimit të pamjaftueshëm është në mënyrë dramatike më i madh se rreziku i mbiinvestimit. ”
Por fatura po rritet, sepse AI nuk është e lirë – si për t’u ndërtuar ashtu edhe për t’u përdorur.
Kur të vijë fatura
Vetë Sam Altman ka thënë se OpenAI është “Start Up-i me kapitalin më të madh në histori”. Kjo sepse ndërsa modelet bëhen gjithnjë e më të mëdha, ato kushtojnë gjithnjë e më shumë për t’u trajnuar. Dhe kjo është vetëm kostoja e prodhimit të modeleve – funksionimi i tyre është gjithashtu shumë i shtrenjtë. Një analizë e vitit të kaluar vlerësoi se i kushtonte OpenAI 700.000 dollarë në ditë për të ekzekutuar ChatGPT, kryesisht në të gjithë atë kohë të serverit që kërkon llogaritje. Dhe sa më shumë të përdoren ChatGPT dhe llojet e tjera, aq më të larta rriten këto kosto.
Ndërsa Silicon Valley mund të mos e ketë shpikur thënien “duhet të shpenzosh para për të fituar para”, sigurisht që jeton me të. Por të ardhurat që këto kompani po sjellin, kryesisht nëpërmjet abonimeve në modelet e tyre premium, janë vetëm një pjesë e kostove të tyre. OpenAI mund të humbasë deri në 5 miliardë dollarë këtë vit, afërsisht 10 herë më shumë se sa humbi në 2022.
Kjo nuk është një trajektore e mirë, dhe as numrat e përdoruesve të ChatGPT. Analisti i teknologjisë Benedict Evans shkroi kohët e fundit se ndërsa shumë njerëz dhe kompani provojnë shërbime të AI si ChatGPT, shumë më pak i qëndrojnë besnikë asaj. (Veçanërisht, përdorimi i ChatGPT duket se zvogëlohet ndjeshëm gjatë pushimeve shkollore.)
Industria në tërësi duket se vuan nga një problem klasik i Silicon Valley: i mungon përshtatja e produktit me tregun. Chatbot-et nuk janë ende një produkt i vërtetë dhe nuk është ende e qartë se sa i madh është tregu për ta. Kjo është arsyeja pse ekspertët, duke filluar nga bankat e Wall Street-it si Goldman Sachs e deri te QV-të e teknologjisë si Sequoia Capital kanë hedhur flamuj të verdhë të kujdesit në industrinë e AI – dhe pse investitorët duket se kanë filluar t’i marrin parasysh ato.
Asnjë nga këto nuk do të thotë se vetë AI nuk ka ende potencial revolucionar dhe as që industria nuk do t’i përmbushë përfundimisht ato ëndrra. Një përplase e tillë ndodhi dhe në fillim të viteve 2000 ishte pjesërisht për shkak të mbiinvestimit dhe mbivlerësimit të startup-eve të kohës, por Evans vëren se ajo që kishte mbetur hapi skenën për mega-kompanitë e sotme si Google dhe Meta. E njëjta gjë një ditë mund të ndodhë dhe për kompanitë AI. Por nëse nuk përmirësohen financat, mund të mos jenë këto emra kompanish./Vox.com
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
