.png)
Gazeta Si- Është shtyrë këtë të hënë seanca për Fredi Belerin në Gjykatën e Fierit, pasi ky i fundit ka kërkuar lirinë me kusht.
Shkak për shtyrjen e seancës është bërë mungesa e dokumentacionit, ndërsa seanca e radhës do të zhvillohet në datën 31 korrik.
Seanca e parë ishte planifikuar të zhvillohej më 25 korrik, por nuk u mor asnjë vendim për shkak se Drejtoria e Burgjeve nuk paraqiti raportin e vlerësimit pasi mungonte dëshmia e penalitetit.
Edhe sot, Beleri qëndroi vetëm 20 minuta në ambientet e Gjykatës së Fierit dhe u kthye përsëri në burgun e sigurisë së lartë për shkak të mungesës së dokumentacionit.
Beleri u përfaqësua nga avokati Geni Gjyzari, ndërsa gjyqtar i çështjes është Alfred Konomi. Seanca e radhës për këtë çështje do të zhvillohet më 31 korrik.
Pas përfundimit të lejes 5 ditore, ku u betua si eurodeputet në Parlamentin Evropian, Beleri deklaroi se do të kërkonte lirinë me kusht.
Ai u arrestua majin e vitit të kaluar dhe u dënua me dy vjet për korrupsion zgjedhor nga GJKKO, ku më herët fitoi zgjedhjet si kryebashkiak i Himarës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
