Gazeta Si – Gjykata e Durrësit ka liruar nga qelia Bledar Rakon, i dyshuar se ka kryer marrëdhënie seksuale me dhunë me të mitur të moshës 14-18 vjec. Gjykata e Durrësit ka pranuar kërkesën e mbrojtes dhe i ka ndryshuar masën e sigurisë nga “arrest në burg” në atë të “detyrimit për tu paraqitur në policinë gjyqësore”.
Rako u akuzua nga e vajza e tij, se kishte kryer marrëdhënie seksuale me të për 4 vite rrjesht. Pas kryerjes së aktekspertimit një fakt i tillë nuk rezultoi i vërtet. Sipas hetimeve të prokurorisë dyshohet se vajza e mitur e inskenoi këtë gjë për shkak se babai i kishte marrë celularin dhe nuk e linte të dilte me shoqërinë.
Ngjarja u zbulua pasi vajza 15 vjeçe në fillim ka folur me psikologen e shkollës duke denoncuar të atin për marrëdhënie seksuale. E mitura është marrë në pyetje nga psikologet dhe ka rrëfyer se abuzimi qe ka nisur ne moshën 10-vjeçare brenda në shtëpinë e tyre kur nëna e saj, si edhe 3 motrat e vëllezërit nuk ishin në shtëpi. Psikologia dhe drejtuesit e shkollës kanë lajmëruar policinë, e cila ka prangosur të atin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
