.png)
Gazeta Si - Iraku ka mbyllur hapësirën e tij ajrore, ka thënë ministria e Transporteve pas valës së sulmeve me dronë të Iranit kundër Izraelit.
I gjithë trafiku ajror është ndalur përkohësisht, shtoi ai. Nga ana tjetër edhe Jordania ka mbyllur hapësirën ajrore dhe ka shpallur gjendjen e jashtëzakonshme,
Kjo vjen pasi ushtria izraelite konfirmoi se Irani ka lëshuar një avion dronësh drejt vendit, të cilët pritet të mbërrijnë brenda disa orësh. Irani ka lëshuar gjithashtu raketa në Izrael, ka thënë Garda e tij Revolucionare.
Në një deklaratë të cituar nga media shtetërore, dega e Forcave të Armatosura iraniane tha se ka shënjestruar vende specifike në Izrael me dhjetëra dronë dhe raketa.
Ai tha se sulmi ishte nisur në përgjigje të “krimeve të shumta të regjimit të keq sionist, duke përfshirë sulmin në seksionin konsullor të ambasadës iraniane në Damask”.
“Në përgjigje të krimeve të shumta të regjimit të keq sionist, përfshirë sulmin ndaj konsullatës dhe vrasjen e forcave ushtarake iraniane, Irani sulmoi Izraelin në orët e para të së dielës”.
“Kjo është pjesë e ndëshkimit të regjimit të paligjshëm dhe kriminal nga Irani, përmes operacionit të quajtur “Vadeh Sadegh” (Premtimi i Vërtetë).
Detajet e sulmit iranian do të publikohen së shpejti”, thuhet në një deklaratë të cituar nga agjencia e lajmeve “Tasnim”.
Ushtria izraelite konfirmoi se dronët ishte nisur nga vendi dhe mund të duheshin “disa orë” për të mbërritur.
Mediat izraelite kanë raportuar se dronët mund të fillojnë të mbërrijnë rreth orës 2 të mëngjesit me orën lokale (12 të mëngjesit me kohën e Mbretërisë së Bashkuar), por raketat mund të mbërrijnë më shpejt, sipas CNN.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
