Ekspertët e klimës po paralajmërojnë se samiti i klimës COP28 mund të jetë në prag të dështimit pasi drafti i ri i marrëveshjes thelbësore nuk përfshinte thirrjen për të hequr gradualisht karburantet fosile, ndotësin më të madh.
Drafti, i postuar të hënën, më shumë se gjashtë orë më vonë se sa pritej, u bën thirrje vendeve të ndërmarrin veprime për të reduktuar ndotjen, e cila "mund" të përfshijë reduktimin e konsumit dhe prodhimit të naftës, qymyrit dhe gazit. Shumë ekspertë dhe vëzhgues të klimës e kanë kritikuar draftin për gjuhën e tij të paqartë, duke përfshirë përdorimin e “mund” jospecifike dhe mungesën e afateve konkrete kohore.
Më shumë se 100 vende shkuan në bisedimet e Dubait për të mbështetur largimin nga përdorimi i karburanteve fosile dhe shumë prej tyre ka të ngjarë të shprehin kundërshtimin e tyre në seancat e ardhshme.
Nëse drafti aktual nuk merr mbështetje të gjerë, negociatorët mund të kenë nevojë të kthehen në debat.
Ish-zëvendëspresidenti i SHBA Al Gore tha në një postim në X se samiti "tani është në prag të dështimit të plotë".
“Bota ka nevojë të dëshpëruar të heqë dorë nga karburantet fosile sa më shpejt që të jetë e mundur, por ky draft i turpshëm duket se nuk e do këtë. Është edhe më keq nga sa kishim frikë”, tha Gore.
"Çertifikata jonë e vdekjes"
Drafti i së hënës erdhi pas negociatave maratonë dhe u publikua më shumë se gjashtë orë më vonë se sa pritej. Konferenca do të përfundojë të martën, por drafti i ri, i cili është larg nga ajo që shumë kombe në Dubai kishin kërkuar, mund të zgjasë një nga konferencat më të diskutueshme në historinë e saj gati tre dekade.
Aleanca e Shteteve të Vogla ishullore (AOSIS), një organizatë ndërqeveritare, ka treguar tashmë se anëtarët e saj nuk do ta miratojnë marrëveshjen në formën e saj aktuale dhe i ka kritikuar negociatat si mungesë transparence dhe përfshirjeje.
"Ne nuk do të nënshkruajmë certifikatën tonë të vdekjes," tha në një deklaratë Cedric Schuster, politikan dhe kryetar i AOSIS.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
